काठमाडाैः पृथ्वीजयन्तीकाे अवसरमा राष्ट्रिय प्रजातन्त्र पार्टीले गाेरखा संग्राहालय परिसरमा रहेको पृथ्वीनारायण शाहको शालिकमा माल्यार्पण गरेकाे छ ।साथै गाेरखा दरवार परिसरमा र्याली तथा विभिन्न कार्यक्रम गरि पृथ्वी जयन्ती मनाइएकाे हाे।उक्त कार्यक्रमलाई प्रतिनिधिसभा सांसद एंव राप्रपा दलका प्रमुख सचेतक ज्ञानेन्द्र शाहीले सम्बोधन गरेका थिए ।
पृथ्वी जयन्तीको दिन पारेर चितवनको नारायणगढबाट गोरखा आएका भीमलाल शर्माले गोरखा दरबार र संग्रहालयको अवलोकन गरे । संग्राहालय परिसरमा रहेको पृथ्वीनारायण शाहको शालिकमा पुष्पगुच्छा अर्पण गरे । पृथ्वी जयन्तीको अवसरमा भएको र्यालीमा सहभागी पनि भए । पृथ्वीनारायण शाहले सुरु गरेको नेपाल एकीकरणको इतिहास कसैले भुल्न नहुने उनले बताए ।
भौगोलिक एकिकरणसँगै हरेक कुराको एकीकरण त्यतिबेलैबाट सुरु भएको थियो,’ उनले भने । उनीजस्तै धेरै शुभेच्छुक र समर्थकहरुले शुक्रबार पृथ्वीनारायण शाहको जन्मस्थान गोरखामा ३०२ औँ पृथ्वी जयन्ती विविध कार्यक्रम गरी मनाएका छन्।
विभिन्न समुदाय तथा टोल–टोलबाट निक्लिएको झाँकी सहितको र्याली सदरमुकामको विभिन्न भागको परिक्रममा गर्दै संग्राहालय परिसरमा रहेको पृथ्वीनारायण शाहको शालिकमा माल्यार्पण सहित विविध कार्यक्रम गरी पृथ्वी जयन्ती मनाइएको हो ।
विभिन्न भेषभुषामा सजिएर झाँकी र र्यालीमा सहभागी भएकारुले इतिहासलाई जीवन्त राख्न तथा सम्मानका लागि पृथ्वीनारायण शाहको योगदान भुल्न नहुने बताएका थिए । पृथ्वीनारायण शाहले नेपाल एकीकरणमा खेलेको भुमिका तथा इतिहास रक्षाका लागि पनि यस्ता कार्यक्रमले सघाएको गोरखा नगरपालिका–९ का सुरेन्द्र घिमिरेले बताए ।‘पृथ्वीनारायण शाहको योगदानलाई भुल्ने नेपाली हुनै सक्दैन,’ उनले भने ।
त्यस्तै, ३०२ औ पृथ्वीजयन्तीको अवसरमा शुक्रबार बिहान प्रभातफेरी पनि भएको थियो । नेपाली सेनाको रिपुर्मदन गण र गोरखा नगरपालिकाको आयोजनामा भएको कार्यक्रम पछि गोरखा नगरपालिका–६ ठुलो आगनमा रहेको पृथ्वीनारायण शाहको सालिकमा माल्यार्पण र सलामी अर्पण पनि गरिएको थियो ।
