राहदानीको आवेदनका लागि ‘अपोइन्टमेन्ट डेट’ बुकिङ खोल्ने समय परिवर्तन भएको छ।
राहदानी विभागले गत साउन १७ गतेदेखि दैनिक बिहान ११ बजे ‘अपोइन्टमेन्ट डेट’ बुकिङ खोल्ने गरेकामा आज मंगलबारदेखि अपराह्न साढे ३ बजेदेखि मात्रै खुला गर्न लागिएको हो।
प्रायः जिल्ला र इलाका प्रशासन कार्यालयले बिहान ११ बजेकै आसपासमा बुकिङ खोल्ने गरेको पाइएको र सर्भरमा चाप देखिएका भन्दै दिउँसो साढे ३ बजेबाट मात्र अपोइन्टमेन्ट डेट’ बुकिङ खोलिने निर्णय गर्नुपरेको विभागको भनाइ छ।
विभागको सोमबार महानिर्देशकस्तरको निर्णयबाट यो व्यवस्था गरिएको सूचनामा उल्लेख छ।
हेर्नुहोस् सूचना
